واش طيبتي اليوم يالفحلة

تذكير بمساهمة فاتح الموضوع :

السلام عليكم حبيباتي حبيت هاد الموضوع باش تكون افادة لكل عضواتنا الكرام ربما تنقد لخرى واش دير ههههههههههه انا اليوم كرهت وماعرفتش واش ندير ومنبعد درت عدس باللحم ممممم ريحتو طالعة مع راهي الشتا واش نقولكم نعمة وكانو فيضان من السماء فلازم لوبية ولا عدس
هيا انتي واش طيبتي وياريت لوكان بصور ان شاء الله راني عدلت الكمبيوتر نبدا نحط صور نسناكم يالوكان
راهم وصل العدس والله جا بنين راجلي ياكل ويعاد طاب روعة والبنة مممممممممممممم
[ندعوك للتسجيل في المنتدى أو التعريف بنفسك لمعاينة هذه الصورة]

طيبت ماشطو بطريقة ام مارية مختلف تماما وشحال بنين ماقدرتش ماناكلوش راجلي طول اهااها التفاصيل منبعد

بصحتكم أم بثينة

انا طيبت الدوارة

بصحتك أمنية نقلولها بكبوكة يعني لمصارن والكرشة والرية ديريلهم صوص حمرا مع بطاطا

بصحتكم والله يا بنات الجزائر

أنا اليوم طيبت كباب إحنا نقلولو بطاطا برانية هاكا أمزاك تقولولو
نقلي البطاطا ونحطها في الصوص أنا نحبو يجي بنين
[img][ندعوك للتسجيل في المنتدى أو التعريف بنفسك لمعاينة هذه الصورة][/img]

ممممم ياسهام ينطق من البنة الكباب حنا مرقة بيضاء وكيفكم نقلو بطاطا ونضربو بيض ومعدنوي قولياي طريقتك كيفي ولا لا

أم بثينة احنا نقولو بطاطا برانيه الصوص نورمال بصلة لحم دجاج نص ربطة معدنوس نص دبشة فلفل أسود فلفل أحمر كزبرة وكروية ورقة رند ثلات حبات طماطم مرحيين ملح خلات سنون ثوم
تقلي البطاطا تنشفيها من الزيت بالورق وترميها في الصوص تعلي شوي تجي ناقصة صوص ماهيش ناشفة
جربيها وإدعيلي والله بنينة مع السلاطه أأمممم

ماشاء الله ان شاء الله حنا هادا جواز اخر منسموهش كباب ان شاء الله نديرو هاد سمانة فكرتيني

اممممممممممم شهيتوني جاك روعا الطبق طريقتنا ماشي كيا انت سهامو حنا نديروه ابيض نجرب طريقتك ونقولك اممممممممممم روعااااااااااااااااااااااااااا بصحتكم حنا نديروه ابيض و نخلطو البصل والبض ومعدنوس ونديرو شويا مرق في المقلات ونرم الخليط البيض ونقليوه ونحطوه من الفوق

السلام عليكم
اليوم معارك بلاصوص و الخضرة يمي ما يتشعبش منه

[ندعوك للتسجيل في المنتدى أو التعريف بنفسك لمعاينة هذه الصورة]

اليوم طيبت في الكوشا هههه ومعى سمك

ماشاء الله كلكم شاطرات يسلمو اديكم يا الفحلات
الله يحفضكم
توحشتكم [ندعوك للتسجيل في المنتدى أو التعريف بنفسك لمعاينة هذه الصورة]

سهاد توحشناك كثر ربي يشفيهم يارب

منال واش هذاك الي في البلا

امنية روحي ركن الطبخ تلقيه
انا ليوم كليت كباب ساندويش برا

أنا ثاني ما طيبتش كلينا برة
منال يشهي ربي يحفظك
بصحتكم أمزاك مافهمتش معارك
أم بثينة روعة الكباب بصحتك يالله زهرة عجلي

سهام المسمن حنا نقولو معارك

هههههههه والله غير معارك تاع الصح ما نجي نديرو كان يقتلني التعب

سهام حنا نقولو لمطاوي مي قلت معارك باه تفهموا أكل
صح يحكم الوقت راني نصدر المسمن بيوم و تاني يوم أندير لاصوص

يعطيكم الصحة الطبق تصيبوه في الركن الطبخ بصحتكم حنا نقولولو رفيس كي كون مع المرقة معارك لي تقصدو ام زاك

سهام واشمن رفيس ياخي نتوما من جوايهنا واش تقصدي معارك هو مسمن

راكي دايخا ههههههههه انا منال ماشي سهام حنا في جويهنا الجزائر و البليدة نقولولو رفيس مع المرق حمراء واللحم او دجاج وحمصا نديرهولكم ان شاء الله وتشوفو الصورة