تفضلو ...لمحبي الملوخية

السلام عليكم هذه ملوخية من مطبخي
نعرف الكثير ما يحبهاش وأنا حطيتها لمحبيها وإلي حبت الوصفة نحطها
إنتظروني في مسابقة الطبخ
المقادير
السلام عليكم أختي أم مارية
جيبي لحم عنم أو بقر بدون عضم [هبر ] تحطيه يتقلى في كاس ونص زيت تضيفي حبة بصل مقطعة وتخلي كل شئ يتقلى مليح بعد تجيبي لملوخية بودرة تاع الجزائر تقريبا أنا درت كاس قازوز حجم صغير وتخليها تتقلى في الزيت مع التحريك لأنها تلصق ,وغلي الماء وصبي قيص ربع كاس و بعد أضيفي لبهارات [فلفل أسود فلفل أحمر كزبرة مطحونة كروية الملح حسب الذوق ولا عندك بهار أبيض مثل الفلفل الأسود لكن أبيض اللون] وتخلطي وتزيدي شوي ماء باه ما تلصقش وبعد تحطي الثوم 10 سنات وخلطي زيديلها قليل من الماء خليها تغلي وهي ناشفة مع التحريك لمدة خمس دقائق وبعد غلي لتر ونصف من الماء وصبي عليها وخليها تغلي شوي شوي تأخذ ساعتين باه تنشف
كي تشوفي اللحم بدا يطيب رابي ثلاث حبات طماطم وخلطيهم معاها وحطي زوج قرون فلفل
كي تشوفي الزيت بدا يطلع ودير طبقة يعني بات الطيب إنتظريها حتى تنشف
وشهيه طيبه احنا نموتو علاها خصوصا مع كسرة مطلوع
[img][ندعوك للتسجيل في المنتدى أو التعريف بنفسك لمعاينة هذه الصورة][/img]

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

صدقيني ماذقتهاش مبصح مانحبهاش نحسها مرة وزوجي تاني مايحبهاش ربي يجازيك خير نتمنى لي يحبها يستفاد

انا ذوقتها مرة ومعجبنتيش لقيتها مرة
بصح يقولو غير توالفى بيها متقدريش تستغنى عليها
شكراااااااااااااااااااااااا لك سهام
ويعطيك الصحة

شكرا لك والله عمري ما كليتها مي نجربها ونقولك الذوق تعها شكرا لك تبان صحية

يعطيك الصحة سهام باين بنينة

مشكورة اختي سهام على المجهود ليس على الطبخة خاطر منحبهاش دقتهامرة وحدة في حياتي كانت وحدة مصرية معايا في الاقامة الجامعية جابتهالي و الله يومين و انا معدتي دايرة و خاطري مخبث تقولشي متوحمة حلفت منزيدش نحطها في فمي

ya3tik assaha okhti siham ana nhabha darha saheb rajli tounsi jat haiela bassah dork ki hatiti la re7 njarabha in chaa allah
baraka allah fik