الكوكا بطريقتي الخاصة من كوزينتي

السلام عليكم حبيباتي
طريقتي في عمل الكوكا مممم
ندير شوية فر ينة حوالي 250غ وندير شوية زيت وملعقة صغيرة خميرة القاطو وقرصة خميرة خبز والملح وفتاتة سكر نحك الكل مليح وندير الماء حتى نتحصلو على عجينة طرية نخليها ترتاح شوية انا درتها تمتم مزروبة كنت جيت من القراية
وتحلي لعجينة وتحطيها على طابع الكوكا وحطي داخل الحشوة الي بغيتي انا درت حشوة بصل وطوماطيش وشوية زيتون والفرماج لان ناكلو بيها شوربة مانديرلهاش جاج ولا لحم مرحي الا اذا درتها وحدها ولا في رمضان وتطلوها بالبيض وديرو سانود من فوق وطيبوها تجي روع ة وخفيفة وتتقرمش
يمكن ترافقوها مع شربة
[ندعوك للتسجيل في المنتدى أو التعريف بنفسك لمعاينة هذه الصورة]

روعة أم بثينة أنا عندي هاذاك الطابع ونديرهم بالعجينة لمورقة
على لعجينة لمورقة جامي تصلحلي هنا جربها شحال من خطرة بلاك من الزبدة ما هيش تاع توراق

سهام علاش تقلقي روحك العجينة تتباع 3دولار والله ندير بيها 2 بلاطووات كبارك انا مرة خرجتني ومرة لالا مبصح فالجزائر تخرج روعة لان نشرو نتاع التوراق مبصح لوكان نسقسو بالاك كاين هنا

يعطيك البصحة ام بوثينة
شكرا لك على الوصفة

روعاا ربي يحفضك جات روعاااااااااا جامي نديرها بالخميرة القاطو نجرب

خمرية القاطو منال تنفخها شوية وتجي تتقرمش وطرية طريقة يما ربي يحفظها ملي كنت صغيرة نشوفها ديرها

ان شاء الله نجرب طريقتك حنونة انا بلاميزان

يعطيك الصحة يا اختي راجلي اموت عليها انا موالفها انديرها بلبلات فيتي ومرات انيرها كي الخبزة وحدة من الفوق ولخرى من التحت بلا من انكسر راسي

ؤؤؤلؤؤؤةؤوؤ
ؤؤ

نجاة اختي كون انقول لك تضحكي عليا .العجينة كي انديرها في المول ماجينيش مليحة ولبات فيتي تنطلقلي .قوليلي كيفاه نستعملو للعلم انا نقلب المول وندير دائرةوممبعد نرفد الدايرة ونديرها من الفوق وندير الحشوة ونسكر .اعطيني طريقتك اللله اخليك

امنية حبيبتي والله مافهمتك كيفاش تنطلق وكيقاش تقلبي مافهمتش باش نجاوبك مليح

يعني لابات فيتي كي نجبدها ما الفرجيدار بسرعة تنطاق لي انولي نجري وتلصق لي في الموا وتولي امكسلة .والمول يعني اندير دويرة به من اللور اي نقلب المول وندير دويرة وممبعد اندير من القدام في المول

ااااااا علاش انا نحطها فالفريزر ونجبدها 6 د قبل مانبدا نحشي ولابات فيوةتي نديرها كي برية بالسلق لازم تكون باردة باش ماتغلبكش

أم بثينة أمنية عندها حق تسأل على الطريقه لي تستعملي بيها هاذ المول
شوفو لبنات هاذاك المول كي تسقميه يولي دائرة قطعي بيها لبات دوائر وبعد هزي الدائرة وحطيها من الفوق وحطي الحشو وأغلقي وما تضغطيش مليح باه ما يخرجش العجينة من الفتحة ويخسر الشكل فهمتي أمنية كيما قلتي ,ولابات فويتي إجبديها من قبل بعشر دقائق ما تستعمليهاش يابسة
إسمحولي لا تدخلي مش في محلو

ااااااه صافي هي تقصد المول لي درت بيه ابيض نتاع كوكا
ربي يحفظك منال رانا اخوات واش من تدخل راني نزعف عليك

يعطيك الصحة سهام ونجاة ولكن انا الدايرة اجيني مقسمومة في الوسط فهمتوني

ااااا أمنية تجيك مقسومة لأن لابات ديريها يابسة من الفيزر خليها شوي قبل برة راهو ساهل مافهمتش وين لبرابلام تاعك بدلي المول

شكرا لكي ام بثينة وانس

الله يسلمك سمسمة