الطعام الكسكس من كوزينتي ممممم تفضلو ماتنوضوش من البنة

السلام عليكم اخواتي جبتلكم الطعام من كوزينتي تفضلو وحبيت نعاون اخواتي المبتدئات في كيفية عمل الكسكس لانهو يكون شوي صعيب لاول مرة لي تدخل كوزينة
اختي جيبي الكسكس تاعك ديري شوية زيت بسيه مليح وديري الماء غسليه مرتين وصفيه وخليه ينشف كي ينشف ديري فالكسكاس على قدر يغلي بالماء باش يفور وفوريه وكل مرة رشيه بالماء وخلطي بشوية وخليه ينشف حوالي 3 مرات دهنيه بالزبدة ولا زيت الزيتون ولاتنسي تحطي ملح في المرة 2 نسيت اسمحولي
المرق
جيبي لحم ودجاج نتاعك لي عندك تحطي العكري وراس الحانوت كروية وشوية قرفة وقصبر والزيت و2 بصلات مقطعين مربعات صغيرة كيما صورة والا حبيتي رابيه قلي مليح كيف الصورة وضيفي 3 طماطم انا عبزتهم بميكسور اليد هكذا

[ندعوك للتسجيل في المنتدى أو التعريف بنفسك لمعاينة هذه الصورة]
وزيدي خليهم يتقلاو وديري الماء 2كيسان خلي اللحم يطيب كي قريب يطيب ديري الخضر

[ندعوك للتسجيل في المنتدى أو التعريف بنفسك لمعاينة هذه الصورة]
ضيفي الخضر لي عندك والحميصة

[ندعوك للتسجيل في المنتدى أو التعريف بنفسك لمعاينة هذه الصورة]

ومرقي
[ندعوك للتسجيل في المنتدى أو التعريف بنفسك لمعاينة هذه الصورة]

كي طيب الخضر وتعقاد مرق قدميه بنين بزاف ماتنسايش الحار
[ندعوك للتسجيل في المنتدى أو التعريف بنفسك لمعاينة هذه الصورة]

يعطيك الصحة .حنونة انت اطيبي بزاف براس الحانوت والكروية واش من الماكلات الي اديريهم فيها
انا نستعمل في كل الماكلات فلفل لكحا وسكنجبير وقرفة

أم بثينة راني كتبتو في إعترافي خلصت لقيتك حطيتيه حسيتي بية نموت على الكسكسي يممممي خلاص هو ثاني لازم في العرضةههههههههه

ههههههه والله تقوشي حسيت هادا وين قريت اعترافك غضتيني ههههه
امنية راس حانوت تخدمو عجوزتي فيه كلشئ وشحال بنين ياختي ماعدتش نحط فلف لكحل وحدو قالو يتقب لمصارن مانيش ناقصة مرض والكروية ماكاش بنة بلا بيها نحبها وفيها فوائد تنح ليغاز وريحتها بنينة انا بدون مجاملة واعود بالله من كلمة انا كامل يحبو ماكلتي يقولولي كيما حنا وعلاش نتاعك عسل صراحة مانستناش عليهم

خلاص انهاندك اقول المثل عاند وماتحسدش وانا واثقة من مكلتك يا الحبيبة

يعطيك الصحة ام بوثينة طعام نتاعك يشهى
تعرفى احنا جامى نحطو القرفة والكروية فى الطعام
نحطو غير راس الحانوت يكون مخلط قصبر وبسباس وحبة حلوى وحلبة وتانى شيبت الشيخ
وتكون المرقة شوية حلوة نحطولها الهرماس مع التمر غرس يكونو مذوبين فى الماء ويزدوهم للمرقة والذا مكانش هذو نحطولها غير شوية سكر

شكرا لك على الطبق بصح جامي حنا نديرو كروية في الطعام والله انا نحبو ولكن بدون خضر نديروه وحدو باللحم وحمص ولا من داك باللخضر وحدو ومانديروش جاج واللحم يتبدلو الدوق

اواه منال الطعام بلا خضرة ماهو طعام يعطيك الصحة على ردك
ام البنات نتوما كي ناس داري يديرو شوية سكر مانكذبش عليك ماجانيش طعمو كي يعود حلو كي المالح بنين
وصح والله مرة درتلو الغرس في شوية مرقة تعلمتها من خالتو والله تجي ابن وتخثر المرق انا نديرها هاكا بزاف فالشخشوخة
شكرا على مرور

أنا طريقتي كيما أم بثينة برك ما نديرش الكروية والزروديه وندير القرعة وجربو ديرو فيه القرنون وشوفو البنة

علابالي بنين سهام نموت على القرنون الاجيت عرضيني عليه لي يحبني يديرهولي نمو عليه وخاصة بالجلبانة

إن شاء الله حبيبتي مرحبا بيك

والله الكسكس مسفوف ولا خليوني هههه حنا نديروه باللحم ولفت او مع القرع وحمصا ام جي شهي

منال إحنا المسفوف يجي بالزبدة والسكر وديري فيه رمان واقيل راكي غالطه في الإسم هاكا ولا لالا أخوات

صح سهام حنا مسفوف يايجي بالزبيب واخر يما دير الفول شوية جلبانة وناكلوه باللبن واش نقولك على البنة
والطعام مرقة بيضة نتاع لعراس باللفت وقرعة ولحم وحمص راكي غالطة منال

لالا حنا نديروه مرق حمراء من داك لفت او قرعة مع اللحم ودجاج واش نقولكم اجي شهي
بركاو ماتشهو فيا هههههههههههههههههه ومسفوف وحدو علبالي برك قلت لكم واش رايكم في المسفوف مع الجلبانة والفول ولبن ومسفوف بالزبيب واش نقولكم
ديرو المكسيرات حمصوهم مثا جوز ولوز وكاوكاو بيسطاش. الخ في مقلات مع شويا زبدة وخلطوهم حتى يتحمرو ثم ديروهم مع كسكس وقليل مع الزبيب و الزبدة تع الميزان واش نقولكم والله ماتشبعوه

هاذاك واش قلنا منال ربي يحفظك

يعطيك صحة منال انا منحبش مكسرات فالطعام
نحب مرقة حمرا وبيضاؤ ونتاع فول وجلبانة مممم

ربي يجزيكم

منال قولي ربي يجزيكم خير هاكا واش يجزين كملي بخلتي حتى فالدعاء ههه

ربي يجزيك في اعمالك الصالحة حنونا واش شفتي مني

منال لانك كتبتي ربي يجزيكم قصدي كملي ربي يخليك

لالا مازعفتش علاش نزعف على كلمة راكي اختنا