اللوبيا بالكرشة مع الكسرة جات بنييييييييينة

السلام عليكم درت ليوم للغدا لوبيا بالكرشة والكسرة وطبعا كلكم تعرفو الطريقة حبيت نشارككم بالفكرة فقط
[ندعوك للتسجيل في المنتدى أو التعريف بنفسك لمعاينة هذه الصورة]

اسمحيلي منال انا عند بالي تعرفوها
بالنسبة للكسرة نسميوها حنا المعجونة او ماء وملح وهي لديدة جدا مع اي حاجة فيها لمرقة وانا نحبها بزاف مع البطاطا مقلية
ديري في لقصعة الدقيق الملح وتبليها بالماء وتعجنيها مليح مليح وتخليها ترتاح شوية وتطرحي وتطيبي وطبعا تثقبيها كي تكون تطيب وخلاص
اللوبيا حطيت لبصل يتقلى مع الزيت ضفت الكرشة او الدوارة مقطعة + الثوم +الملح والتوابل من زنجبيل وفلفل اسود بابريكا وفلفل احمر حار وكمون وكسبر وحطيت جزرة واحدة قطعتها والطماطم المصبرة واللوبيا ومرقتها ولما قربت تطيب ضفت الفلفل الحار والمعدنوس والكرافس خليتها حتى خثارت جات ماشاء الله

لا شكر على واجب
انا قسنطينية

شكرا لك متشرفين حبيبتي وبناس قسنطينة

شكرا لك اختى ميمونة احنا تانى نديروها هاك
الكسرة نقولولها كسرة لفطير وصح تجى هايلة مع المرقة
واللوبيا تانى مرات نديروها بالدوارة وتانى تجى مليحة بالكرعين

بارك الله فيك ميمونة على الطبق اللذيذ

manal8 كتب:

شكرا لك متشرفين حبيبتي وبناس قسنطينة

لي الشرف منال الله يسلمك

ام البنات
شكرا اختي تجي صح مع لكرعين روعة
سهام
وفيك بارك الله حبيبتي

ماشاء الله شوفي دوك نعطيك طعامي راه طاب اعطيني اللوبيا حنا جامي درناها هاكا نديروها يابلحم ولا جاج ولا شربة كمون بليبولات لحم ممممم شهيتيني وجوعتيني والله والله فرحت بمشاركاتك ياالغالية

ام بثينة يا حبيبتي والله كون جيتي قدامي انت تدوقيها قبلنا حاجة ما تغلى عليك يا لعزيزة
انا نسنى في الطعام وبلا ما نشوفو اكيد يكون بنين من تحت يديك
ما شاء الله عليك