موسكوتشو غولي بطريقتي الخاصة الكل يطلبو خفيف ضريف والله ماتندمو من كوزينتي خاصة اختي سهام

السلام عليكم اخواتي
اختي سهام هاي طريقتي يجي خفيف بزاف والله يخرج من اول مرة
4بيض ضربيهم مع كاس سكر ضربيهم حتى يطلع الدوبل يعود كي كريمة لونها مبيض على صفار شئ 10 د
حبسي المضرب جيبي مغرب خشب ونفس كاس سكر كيلي كاس نشاء وكملي عمريه ب2ملاعق فرينة لي فيها خميرة تعرفيها 2ملاعق كبار برك وباقي الكاس كلو نشاء ولافاني شوي ديري بشوي وخلطي بلعقل ساير داير حتى يكمل الكاس تمش بالزربة باش تحتفظي بالهوا وحطيهفي صينية مستطلة مفروشة بالالمنيوم ولا ورق الزبدة وديريه يطيب على 150 د 8 ولا 9 دقائق يكون طاب وحمار خرجيه وقلبيه على طارشونة واحشيه وتم تم لوي انا خلطت شوية حلوة الترك ومعجون ومن فوق كريمة باتسيير واللوز فالجناب والجيلي من فوق والله صاحبتي غير وصلت للدار كلمتني عليه ولادها ماتو عليه وهي وزوجها لاني عطيتها

[ندعوك للتسجيل في المنتدى أو التعريف بنفسك لمعاينة هذه الصورة]

نفس طريقة درت كيكة
[ندعوك للتسجيل في المنتدى أو التعريف بنفسك لمعاينة هذه الصورة]

ما شاء الله أم بثينة أنا طريقتي كيما تاعك ندير 6 حبات بيض 150غ سكر 150غ فرينة ونشا ولا فاني ونضرب كيما إنت ونضيف الفرينة بالعقل ,برك حبيت نجرب طريقة منال لأنو فيها الماء سخون والزيت لكن ما خرجتليش كيما تاعها على بيها قلتلها أعطيني الروسات قدقد لأنها مرة تقول 6بيض مرة تقول 4 بنفس كمية الفرينة والنشا والزيت
مي روعة وخاصه التارت ربي يحفظك

ربي يحفظك مانكذبش عليك سهام مانلقاش اسهل من وصفتنا هههه وخفيفة ومضمونة نتاع منال فيها مقادير وتعب

يعطيك الصحة ام بوثينة
انا نجرب فى وصفاتك وعينية مغمضين على بالى ناجحين 100/100
ماشاء الله والله يبارك فيك
شكرا لك

يعطيك الصحة أم بثينة ماشاء الله روعة

يعطيك الصحة يا الغالية ربي يحفضك نجربها