تليتلي البنين من كوزينتي كي العادة

السلام عليكم حبيباتي تليتلي من كوزينتي طريقتي واحدة عمري مابدلتها يجي بنين بزاف كل لي ذاقو دا طريقة يحسو مختلف وهاد المرة قليتو بزاف علابيها لونو قريب بني كامل واكيد تعرفو طريقتي وضعتو قبل ولي راحلها من عيني نحط طبعا يرفق بالمايونيز طبعا من صنعي حطيت طريقتها سابقا نتمنى يعجبكم والله بنين بنين

[ندعوك للتسجيل في المنتدى أو التعريف بنفسك لمعاينة هذه الصورة]

يعطيك الصحة أم بثينة
أطباقك كلها رائعة
ما شاء الله عليك

يعطيك الاصحة ام بوثينة
وانا نشهدلك طريقتك مضمونة وبنينة انا تعلمتو غير منك
ماشاء الله عليك
وشكرا لك

اهلا ناجو يعني هاكدا تشهي فيا [ندعوك للتسجيل في المنتدى أو التعريف بنفسك لمعاينة هذه الصورة] اني حابة حقي ابعتيهولي
للاسف انا راجلي ما يحبوش فمنديروش دايما غير كينسخف عليه هههههههه
ودركا انتيا سخفتيني عليه دبري راسك كيفاه تبعتيهولي على فكرة انا تاني نقلي
التليتلي قبل ما نفورو يعطي بنة اكثر يسلمو اديك يا الفحلة انتاعنا

واووووووووووو يشهي ما شاء الله يدك تتلف حرير ربي يحفظك
المايونيز درتو هاذاك النهار بالخلاط تاع اليد لأنو ما عنديش الخلاط كيما تاعك
مي صلح وكنت زاربة ما صورتوش كي نعاودو نحط الصور
مي حبيت نسقصيك البيض تحطيها كاملة وغير الأصفر
,والخل ديريه في الأخر ولا كي تكوني تصبي في الزيت
شكرا مسبقا لأني عارفة راح تجاوبيني
ما تتجاهلينيش

ربي يحفظكم حبيباتي فرحتوني ياريت كنت ذقتكم هاذا الصح عندي
سهامو حنونتي البيض قلت بيضة كاملة والخل كيما تحبي والله ساعات ننسى نديرو في لخر ونزيد نعبز الخلاط واذا حسيتيها جارية معناه الزيت قليل زيدي وتشوفي غير تعقاد انا نحبها نص نص مش جامدة
وراني قتلك خل ولا قارص كيما تحبي ولكن ديري في اول احسن باش دربي على خطرة والله بنينة

machaa Allah
Allah yaatik assaha

aatina alwasfa min fadlik

ربي يحفظك اختي مريم فرحني مشاركتك
من عينيا
عمبالي علابالكم الوصفة
شوفي جيبي باكي تليتلي قلي نص فالزبدة حتى يعود قريب بني ونص لاخر ديريه في كسكاس ومنبعد خلطيه بلاخر اذا حبيتي يجيك نص بنص انا هاد المرة قليتو قاع باش يجي بني
وخلطي تليتلي مع بعضاه وديريه يفور
والمرقة ديري بصل والجاج والزيت والبهارات لي تحبي قلي مليح ملييح ديري خضة لي تحبي وحمص قلي شوية وديري الكل يطيب بلا ماننساو ملح
ديري الماء وغطي حتى يطيب كلشئ نحي جاج حمريه والخضر نحيها جيبي مقلة ديري شوية زبدة وكي تغلي ديري خضر تتقلى تعطيك مذا ق رائع بخلاف كسكس وهادي جبتها من راسي وزوجي يموت عليه كلشئ بنين ولي ماتحبش الخضر زرودية تجرب هاكا حتلا يحمر الخضر نحيهم وضيفي الحمص قلي تاني ونحيها والتليتلي مرة مرة ديري شوية ماء مبصح ماتنحيش كيما طعام لا هادي ساهلة الطريقة من راسي تاني ديري وخلطي وخليه يفور كي تحسيه بدا يطرا فرغيه في مرق الخضر وخليه شئ 6 دقائق كي ينضف شوي طفي ومنبعد يزيد يشرب يجي يهبل وشبحي كيما تحبي انش اء الله مانسيت والو

بارك الله فيك
ربي ان شاء الله يصلحلك اولادك ويعطيك على قد نيتك الطيبه

حبيبتي مريم لاشكر على واجب دعواتكم برك والله لي جربو عاد وصفتو رئيسية بنين بزاف نتمنى نشوف تطبيقك