مقارون كي الغراتان والله راح يعجبكم من كوزينتي ومن افكاري الخاصة

السلام عليكم حبيباتي كنت مريضة وراني رجعتلكم بجديدي
احنا مش من محبي المقاروةن ولكن الاولاد يبداو يكبرو تفكري غير فيهم واش يحبو وجيتكم بطريقة جديدة والله من فكري وجاماشء الله زوجي عدجبو بزاف وانا فرحت لاني جامي نطيبو لكن جا ماينشبع نتركم مع تطبيقكم واتشوفو شحال يستاهل
جيبي مقارون انا درت الملون وغليتو وصفيتو
وجبة مقلة قليت الخضر المجمدة لي عندك كي تطيب وتتحمر نحيها طبعا بالزبدة تقليها وتغطيها
وقليت شوية بادنجان ونحيتو وديري لاصوص عادي حمراء غير بلبصل وطماطم وبهارات علابالكم طريقتي
جيبي المقارون في طنجرة حطيه وديري لاصوص تاعك عاقدة والخضر والباذنجان وخلطي بلعقل وديري الفرماج رابي انا درت نص باكي يعني 250 غ وترابي بيض مغلي وحطيه في بلا وذرذري الفرماج من فوق وشوية صوص حمراء برك وديريه يتحمر من فوق واشنقولكم البنة والله ماتشبعي منو


[ندعوك للتسجيل في المنتدى أو التعريف بنفسك لمعاينة هذه الصورة]

انا تانى منحبوش
بصح باين عليه بنين
يعطيك الصحة ام بوثينة
وشكرا لك

يعطيك الصحة جاك كيما نديرو بصحتكم

يعطيك الصحة بلا مغدي و روعة يشهي

زهزرتي جربيه راح تحبيه انا عمري ماناكلو هادا طحت عليه وتقدري تعملي بالسباقيتي
ربي يحفظكم

بارك الله فيك

وفيكي بركة خالتي