اتفضلوا تشوفوا شخشوخة ليلة المولد بالخطوات المصورة

[ندعوك للتسجيل في المنتدى أو التعريف بنفسك لمعاينة هذه الصورة]
بسم الله الرحمن الرحيم
اللهم صل وسلم على سيدنا محمد وعلى اله وصحبه
الشخشوخة او كيما نقولولها النعمة اكلة تقليدية ونعملوها في المناسبات الدينية
نبدا بالعجينة المقادير
كيلو سميد رقيق 2ملاعق اكل ملح وماء
الطريقة نخلط الملح والماء ونلوحو الماء بالشوية ونعجنوها كيما الكسرة ونبقاو انزيدو في الماء كلما انحسو العجينة شربت الماء مدة 10 دقائق نتركها ترتاح 5دقائق ثم نواصلوا باضافة الماء بالشوية حوالي 15 دقيقة العجينة اتولي ماتلصقش باليد وفي نفس الوقت معلكة يعني كيما العلك
[ندعوك للتسجيل في المنتدى أو التعريف بنفسك لمعاينة هذه الصورة]
انغطيها بالبلاستيك ونتكها ترتاح من 15 الى 20 دقيقة ونعود اليها ونكورها الى حبات صغيرة باستعمال شوية زيت ونتركها ترتاح نصف ساعة


[ندعوك للتسجيل في المنتدى أو التعريف بنفسك لمعاينة هذه الصورة]
انجيبو طاجين انتاع حديد او مقلاة كبيرة وانديرو فوقها 5 ققطرات زيت على نار هادئة جدا ونبداو نفتحوها كيما الكسرة باستعمال شوية زيت كل مرة ونلوحوها اتطيب
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
راني شوية مبتدئة مانعرفش انحطها دائرية
كي اطيب على الجهة 1 انقلبها وانكون وجدت الثانية انلوحها فوقها وهكدا حوالي 7 طبقات
وفي الاخير قبل نزعها نعملوها كما الصورة التالية باش ايطيبو الجوانب
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بعد ما نكملو العجينة انفتتوها الى اجزاء صغيرة باش انسقيوها بالمرقة [ندعوك للتسجيل في المنتدى أو التعريف بنفسك لمعاينة هذه الصورة]

الان تحضير المرق
قطع دجاج او لحم غنمي حبة بصلة كبيرة حبة طماطم 3 ملاعق اكل زيت ملعقة صغيرة فلفل اكحل ملعقة كبيرة كسبر يابس او كاين اللي يدير راس الحانوت حفنة حمص منقوع في الماء نهار قبل 2 ملاعق كبار طماطم 2 حبات جريوات 2 بطاطا 2 جزر
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

نضع المقدير في الطنجرة ما عدا البطاطا والجزر و الجريوات انلوحوهم في الاخر
انقليوها امليح حتى يدخل الحرور الحم ثم نضيف الماء تدريجيا حتى تتغطى جميع المكونات ونتركهم ايطيبو ثم انسقيو الشخشوخة هناك من يحب اضافة قطعة زبدة قبل الاكل وهي تاكل ساخنة وفي صحن واحد وكبير [ندعوك للتسجيل في المنتدى أو التعريف بنفسك لمعاينة هذه الصورة]
وتاكل بالفرشاة وبالصحة وان شاء الله تعجبكم

شكلها يشهى
يعطيك الف صحة وان شاء الله نجربها

احنا في قسنطينة نسموها الفتات او الشواط وليس بالشخشوخة
شجشوختنا متتعملش هكا نعملها بطريقة اخري
اسمحيلى يسناء اد قلت ليك هكا بصح اعطيك الصحة علي الطبق الى بقو القليل الى يعملوه
يعملوه غير الشاطرات والحراير وانت وحدة منهم

nada72 كتب:

احنا في قسنطينة نسموها الفتات او الشواط وليس بالشخشوخة
شجشوختنا متتعملش هكا نعملها بطريقة اخري
اسمحيلى يسناء اد قلت ليك هكا بصح اعطيك الصحة علي الطبق الى بقو القليل الى يعملوه
يعملوه غير الشاطرات والحراير وانت وحدة منهم

ندى انا تاني من قسنطينة بصح عايشة في سيىدني...بصح حنا نقولوها تريدة تاع الطاجين

يعطيك الصحة سناء انا تاني درتها ليلة المولد
وانت رغم انك في الغربة ومحافظة على عاداتك شكرا

ام البنات 2 كتب:

شكلها يشهى
يعطيك الف صحة وان شاء الله نجربها

بارك الله فيك على المرور وان شاء الله اتجربيها وتاكلوها بالصحة والهنا

nada72 كتب:

احنا في قسنطينة نسموها الفتات او الشواط وليس بالشخشوخة
شجشوختنا متتعملش هكا نعملها بطريقة اخري
اسمحيلى يسناء اد قلت ليك هكا بصح اعطيك الصحة علي الطبق الى بقو القليل الى يعملوه
يعملوه غير الشاطرات والحراير وانت وحدة منهم

اولا شكرا على المرور
صحيح احنا اولاد بلاد وحدة لكن الله يبارك الجزاير كبيرة وعريضة وتتختلف العادات من منطقة لاخرى وحتى كيما ايقولو من عرش لاخر
اما الشخشوخة فهي عدة انواع هادي وحدة منهم والشواط نوع ثاني وكاينة انتاع الكسرة مفتتة وانتاع المقص او الظفر لا التريدة .....
ونحاول ان شاء الله لما نرجع من البلاد نديرهم ونقدمهم ليكم بالصحة

ام اروى كتب:

nada72 كتب:

احنا في قسنطينة نسموها الفتات او الشواط وليس بالشخشوخة
شجشوختنا متتعملش هكا نعملها بطريقة اخري
اسمحيلى يسناء اد قلت ليك هكا بصح اعطيك الصحة علي الطبق الى بقو القليل الى يعملوه
يعملوه غير الشاطرات والحراير وانت وحدة منهم

ندى انا تاني من قسنطينة بصح عايشة في سيىدني...بصح حنا نقولوها تريدة تاع الطاجين

شكرا على مرورك عزيزتي

انا من ولاية باتنة وعايشة بفرنسا متشرفين

sana5783 كتب:

بنت الاوراس كتب:

يعطيك الصحة سناء انا تاني درتها ليلة المولد
وانت رغم انك في الغربة ومحافظة على عاداتك شكرا

اهلا بيك واش راكي يا الاوراسية
انت شاوية وباين اعليك اخدمتيها خير مني وين
بالرغم من الغربة الا اني انحاول انربي ابني على عاداتنا قد ما نقدر الشخشوخة والمحاجب والحنة ...وياربي نلحقو لان الغربة صح صعيبة شكرا لمرورك

الله يسمك سناء ويكثر من امثالك

تسلم الايادي sana5783

روعععععععععععععععععععععععععععععععععععععع عععععععة يعطيكصحةحنونة

حنى نفوتونقلوهى مع لبصل ودجج رومركيتك مدرتيش دجج

samsima كتب:

تسلم الايادي sana5783

شكرا لمرورك