خبز أم بثينة

السلام عليكم هذا خبز بنفس طريقة أم بثينة و زدت عليه زوج مغارف لحظة و خليتو رتاح لمدة ثلاث ساعات و شوفي النتيجة
[img][ندعوك للتسجيل في المنتدى أو التعريف بنفسك لمعاينة هذه الصورة][/img]
[img][ندعوك للتسجيل في المنتدى أو التعريف بنفسك لمعاينة هذه الصورة][/img]

يعطيك الصحة اختى سهام
الصور تشهى وباين من ايديك يكون بنين
شكرا لك

ماشاء الله سهامو جاك خيرمني

شكرا أخواتي على مروركن

ماشاء الله جاك روعة يعطيك الصحة بصح اشحال حطيتي الفرينة و كي تخليه3سوايع يرتاح ما يروحلوش مفعول انتع لخميرة
عجبني و ان شاء الله نسييه مي ما فهمتش مليح المقادير والطريقة
ههه كترت الاسءلة شكرا لك

اختي ام زاك العكس قد ماتخليه يرتاح يطلع ويجي كي البريوش روعة وتحبي ديريه كي خلية النحل للضيوف وتحشي كل بول بالزيتون ولافرماج نتمنى جربيه

أمزاك الطريقة هي طريقة أم بثينة في عمل خبز طري وأنا ضفت عليه زوج مغارف حليب لحظة
و لحبيتيه يجيك مليح حطيه في صينية الطهي و كي تشوفي إنو طلعلك ثلاث مرات يعني تريبل على الحجم الأول من غير ما تحسبي الوقت و لا كنتي مستعجلة دفي الفرن نتاعك وطفي وحطي الصينية لداخل درك يطلع بسرعة
طريقةأم بثينة

السلام عليكم حبيباتي هادا خبزي اللي نعتمد علي بنين بزاف ندير هادا ونوع اخر تاني غير بالفرينة وهادا تشربي بيه حتى القهوة مممممممم المقادير بالضبط بالاكي تنقصي نقتلك 500 غ فرينة 40 غ سكر ولاحبيتي قل 12 غ خميرة حبة بيض 60 غ زبدة وساعات نبدل ندير بشوية زيت نتيجة كيفكيف ملح 200 ملل ماء دافئ مغرفة كبيرة عسل واش خص تاني نضن والو اااااه السانوج والا تحبي زبيب نخلط بو مخلط و حتى نتحصلو على عجينة طرية ديها وجيبيها دقيقة برك نخلوها تخمر قد ماعندك وقت خليها انا 4 سوايع ومنبعد نحطها فالبلا شكلي ضفائر او كيما انا كي خلية النحل ودهنيها بالبيض وديري سانوج وجلجلان ونصف ساعة اخرى تخمير

شكرا لك اختي ام بثينة على التوضيح
ششششششكرا لك سهام على جوابك

نتمنى تجربيه

يعطيك الصحة اختي باين روعة.

امممممممم الله يبارك فيكم والله باين هايل بصحتكم نجربو ان شاء الله

تطبيقك رائع يعطيك الصحة