بصراحة....كيفش كانت أول طبخة عملتيها؟؟ ₪۩₪

حبيبتي ام بثينة سلام الله عليك
بكل صراحة نتذكر طبخة درتها اول مرة بصح كنت صغيرة 15 سنة ولكن عملت نفسي فحلة
درت سفيريةبالبطاطا اذا تعرفيها
وكان ذلك في رمضان عملت كلش مليح البطاطا طيبتها وارحيتها وكورتها كلولصوص دويتها مليه وقليتها وكان كلشيء عادي ولكن ما عرفتش اني لازم ما نخلي حتى تبقى لصوص غير شوية ونحط كويرا السفيرية
المهم اني مرقتها فوق اللازم يعني وطولت ما حبتش تنشف المرقة ايا رميت فيها كويرا ت السفيرية ولات الحالة واش نقولك
ما تتكلش كلش تخلط مع بعض البطاطا ما ولاتش كويرات ولات خلوطة
المهم اترمت وواحد ما كلاها
وشبعت توبيخ من يما ذكرها الله بخير
هههههههههههههههههههههه

انا متنذكرش اول طبخة درتها بصح كنت كل مانشوف وصفة جديدة نجربها مرات تجى مليحة ومرات ماتذاقش

بسم الله الرحمن الرحيم

السلام عليكم ورحمة الله وبركاته

على ما اضن طبخت شكشوكة تاع فلفل لحلو ومبعد عدت شطره في الطياب بصح مشي كيفك

شكرا اختي على الموضوع

السلام عليكم راني رايحة انطول شوية عليكم
انا كنت ضيفة عند اختي متزوجة وكان عمري حوالي 10 سنوات هي كانت عاملة وانا لعبتها شاطرة اقليت البطاطا فريت لحتها في الزيت بارد باش ما نتحرقش لصقت كامل في المقلاة ولما طابت
درتها في صحن ولحتها في الثلاجة باش زعمة ما تفسدش لان الجو كان صيف رجعت اختي وماتت باضحك اما الكسرة انتاع الخميرة عجنتها اختي وخرجت انا كنت مع بنتها اللي متقاربة معايا في السن طولت اختي والكسرة طلعت وعاودت قلت انطيبها وكانت جارية لحتها عللى شكل مثلث والاصابع انتاعي مرسومة فيها المهم طيبتها ورحت البست قشي وقلت انروح على الاقل ما نسمعش التوبيخ واتلاقيت بيها في الباب ويا للموقف شافتها وفرحت لاني حاولت انساعدها ومرت بسلام
اما الكسكس الي فورتو اول مرة ما خليتوش يقطر من الماء ولصق مع بعضو ورجع عجين وهنا اتلقيت التوبيخ من امي حتى شبعت واول حلوى درتها الكروكي كثرت الفرينة وجا يابس حجرة
والحمد لله اليوم بصفة عامة اندير كلش وحدي وايجي امليح

هههههههههههههههههههههه موضوووع محرجههههههههههه
انا كنت شاااااطره كنت دايما نطيب و ندير الطعام و الروز و الجاج و كل حاجه كانو يحيرو فيا خالاتي وولادهم الكبار حتى مره واحد منهم خطبني ههههههههه
كي اتزوجت زعمه جيت ندي كيكه الليمون لا تارت او سيترو ...كنت دايما نديرها مع ماما
و درتها كل حاجه باينه مليحه و تمام و لا مورينج خرجت بيا و كل شيء و جيت زعمه نقطعها ما حبتش تتقطع خرجت حجره هههههههههههههههههههه و نشفى راجلي قالي شوفي اول بيدون تاع الزبل حاشاكم نرميوها ولا من شاف و لا من دري باسكو كنت نسكن عند ناس داري و فعلا رماها و قعت نبكيييي درت حاله بالبكا كان نفسي فيها و كونت حامل في بنتي الكبيره الحمد لله ما خرجتش في بنتي هههههههه

والله موضوع هايل
أما أنا فدخلت للكوزينة عمري 10 أو 11 عام كي يما مرضت كان لازم علينا نعاونوها وأول طبخة درتها كانت في الصيف قالتلي يما الله يرحمها ديرينا شكشوكة نتاع بالفلفل والطماطم جات لباس ماشي مليحة بزاف مي يقدر الواحد يأكلها وتاني مرة درتلهم الكسكسي ههههه كثرتلو الماء جاء عجينة رميتو وعاودت رشيت واحد أخر بلا ميفيقو بيا بصح الزاوج جا ناشف شويا ومنها راني نطيب طيبابي ماشي لي راه هههههههه لأني أنا مع الكوزينة منتلقاوش هههههههههههههه
أما أنا والحلوة في دارنا منطيبوهاش بزاف غير في الأعياد وإلا المناسبات وإلا كي رح يجونا ضياف المهم أنو لي روسيت نتاع الحلوة كامل ميتحكموش في راسي لازم كتاب وإلا ورقة وستيلو وأول مرة طيبت الحلوة كانت وعمري 14 سنة جابتلي صاحبتي كيك عجبتني قلتلها مديلي روسيت وجيت نبين في شطارتي قلت زعما نطيبها ومن أنا منصبرش بقيت نحل نتفرج فيها ونغلق في القور حتى حبطت جات تضحك هههههههههه بصح منها دايما نحب نطيب الكيك عندي سفنير معاه هههههههههههه

جزيتم كل الخيرعلى ردكم هههههههههههههههه ضحكتوني والله يا نيسة تضحكيمعليش لوكان حتى كليتيها عاوجة معليش مهم متبقش في قلبك

شكراااااااااااااااا

كتهبل متتصورش

هههههه ضحكتيني نجاة احكينا

hhhhhhhhh
saraha ana makanch 3andi bazaf m3a cousina
ana 3andi ri wa7d 3amine haka 3ad t3alamt ntayeb
makontch nal9a eli y3alamny
asli ana 3aycha m3a jadaty ta3arfoo nssa kbarat maydeero ni gratin ni gateau hhhhh
sajyine ri fe barkoukes w hwayej kbar kima rfiss w t3am w ka3
wahd mara kan 3andy 16 ans kanet 5arjat w jany joo3 nta3 bessah
hhh nodt za3ma ndeer dwaz
w nseetah tahrag hazit tajine kamal w rmetah hhhhhh
w mazalhom ldarwak yhawsso 3leeh
mais darwak hamdolah b9eet nat3alm ntayeb bwahdi

kinchoof recette nadeha w njarabha hata ta5raj bassef 3leeha

w n3awadha yla majatch mazyana
breet ri n9ool za3ma li brat tat3alm tayeb bel erada wlah tawssal
ana makontch nbry cousina paske dayman kanoo yadahko 3leya w may3tooneesh te9a fe nafssy
min fhamt had chi les remarques nta3om wlah mab9w y3amroli rassi

wlah hata walw homa yjo yatalboo meeni les recettes hhhhh