بوب كورن حلو يفرحو بيه لوليدات وياكلو حتى يشبعو

انا الصراحة نحبو وما يخطينيش ونحب نخدمو بيديا لانو ساهل ويجي بزاف
تجيبي الدرة حبات يابسة هاديك الصفرا
تحطي طنجرة شوية كبيرة حسب الكمية الي حابتها تحطي شوية زيت ما تكثريش تدهنيها برك
وتحطي حفنة تاع الدرة ولازم تغلقي على الطنجرة خاصة ادا بدا يطرطق وكي تشوفيه طرطق كامل طفي عليها
وحضري الكراميل الي هي سكر شوية ماء وعسل وطيبيها حتى تولي لونها بني تخلطيها مع البوب كورن وتحطيها في الكوشة لمدة 3 دقايق لا اكثر ومبعد تخليها تبرد وبصحتكم
[ندعوك للتسجيل في المنتدى أو التعريف بنفسك لمعاينة هذه الصورة]

اممممممممممممممم ماييز ايهبل نحبو مالح طريقتك كيما نتاعي اممممممممم فكرتيني بيه

انا نحبو بزاف
شكرا لك ميمونة

يعطيك الصحة ميمونة نجربو إن شاء الله

ماشاء الله من يدك روعة اول مرة نسمع واحدة تخدمو فحلة ونص خموس قوليلي كيفاش نحطو فالطنجرة وشحال وفالكوشة مفهمتش

زهرة الربيع كتب:

ام بثينة وانس كتب:

ماشاء الله من يدك روعة اول مرة نسمع واحدة تخدمو فحلة ونص خموس قوليلي كيفاش نحطو فالطنجرة وشحال وفالكوشة مفهمتش

شوفي أختي أم بثينة حاجة ساهلة بزاف
جيبي حبات الذرة و حطيهم في طنجرة أو مقلة غامقة مدهونة بقليل من الزيت
ووضعيه على نار هادئة و غطيه باش ما يطيرش من القدر
حتى يتطرطق كامل و يتنفخ
يجي هايل

معدرة اختي ام بثينة ما شفتش سؤالك بصح اختي زهرة ماشء الله جاوبتك تجيبي حفنة حبات الدرة وتكوني دهنتي الطنجرة وحطيها وغطيها على نار متوسطة حتى تسمعيها تطركق ومبعد يطلعو كامل ويتنفخو طفي عليها ديريلها كاراميل صوص خلطي ومبعد حطيها في بلاطو تاع الفرن شوي كبير وزعيها وحطيها في فرن مسخن من قبل لمدة 3 الى 5 دقايق باش يدخل فيهالكاراميل مليح ونحيها وخليها تبرد وخلاص وادا تحبيها مالحة ضيفيلها الملح برك وخلاص

يعطيك الصحة على الوصفة خرج يشهي بارك الله فيك

انا نحبك ونحب واش تحبي واما بوب كورن نموت عليه حتى نجربو يعطيك الصحة

انا و عائلتي نحبوه مالح
والطريقةهي
خدي 2 م ك زيت حطيهم في مرميطة واسعة او كوكوط -وحطيها على النار باش يسخن الزيت وحطي فيه قيس اكثر شوية من نصف الكاس منحبات الدرة وحركي بسرعة باش الحبات كلها تتغلف بازيت قتلك بخفة يعني ماتقعديش أتحمصي فيه لالا
تم تم غطيه و خليه يتنفخ واترقبيه ما تخرجيش من ا لكوزينة ولما تحبس صوت الطقطقة اطفي النار و نحيلوا الغطاء واعمليلوا شوية ملح و بالصحة و الهناء .
مرة جات زميلة ابنتي لدارنا و قدمتولها اعجبهاسألت بنتي قلتلها كيفاش اديروه قلتلها بنتي غير انحطواشوية زيت و انحطوه يتنفخ ما وضحتلهاش امليح الطريقة وراحت اشرات 1كلغ وحطاتوا كامل مرة واحدة وخرجت من الكوزينة عندما رجعتلها اتخلعت القاتوا امفرش في الكوزينة .