شربة فريك واش نقولكم على البنة يالله تفضلو ودوقو

هادا عشايا البارح شربة فريك الله الله الكل يحب ياكلها عندي بنة خرى
ودرت خبز جا بونج ماشاء الله وقليت حار تفضلو
[ندعوك للتسجيل في المنتدى أو التعريف بنفسك لمعاينة هذه الصورة]

طريقتي حبيباتي حنا في دارنا نديروها بصل وحشيش وبهارات ونقلو مليح مع لحم ونضيفو طماطم مرحية ونقلو ونديرو حبة قرعة حبة زرودية حبة بطاطا ونرحو خضرة ورجعوها فالقدرة ونديرو لفريك
هادي طريقة اخرى تعلمت من ناس داري يديرو فيها ثوم والله ولاكانك درتي ثوم بنة خرى كامل يحبو ياكلوها عندي معروفة بيها هههههه
شوفو ساهلة
ديري لحم وبصل رابيه بصلة صغيرة وشئ 5 فصوص ثوم مرحيين قلي مليح فالزيت وديري 4حبات طماطم ارحيهم وضيفيهم وديري راس جحانوت عكري قرصة قرفة وكروية وملح وشوية حشيش مقطفة وقليت مليح ومنبعد درت فريك والماء وخليت تطيب مممم ومنبعد ديري طماطم مصبرة وهاهي بصحتكم

الله الله ماشاء الله انا نموت عليها

يعطيك الصحة ام بوثينة
احنا تانى عندنا الشوربة لازم يكون فيها التوم يعطى بنة هايلة نديره فى الاول وتانى قبل لاطفى عليها النار ب 5ددقى التوم وحشيش فى المهرس مليح وضفيهم ليها تانى يعطو بنة هايلة

روعة