سفنج روعة من مطبخي تفضلو يا لبنات بصحتكم

السلام عليكم ورحمة الله وبركاته
حبيباتي اليوم درت سفنج حبيتكم تشوفوه كنت راح ندير مسمن منال لكن زوجي قاليلي ديريلي سفنج والمرة الجاية إ ن شاء الله ندير مسمن منال
أكيد كلكم تعرفوه لكن أنا طريقتي كالتالي
كيلو فرينة
ثلاث مغارف خميرة خبز
مغرف كبير سكر
مغرف كبير لحظة
شوية ملح
شوي زيت
نص كاس حليب
زوج بيضات
الماء
نخلط كل شيء نتحصل على طرية نعجنها مليح ونطري بالماء وبعد نلم بالزيت نخليها ترتاح ساعة وبءد نديرها بولات ونبسطهم ونقلي وبعد نعسل وشهية طيبة

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

يشهى سهام انا نحب نفطر بيه
يعطيك الصحة
شكرا لك

يعطيك الصحة سهامو انا المرة لي فاتت درتو شئ 3 مرات زوجي يموت عليه طريقتي ساهلة بزاف لاعجين لاوالو خلط ومنبعد يخمر ونكور ونقلي والله يجي منفوخ يهبل مقعدتش باش ندير صوز وماشاء الله نتاعك يشهي وحمر تقوشي نتاع خفافجي ربي يخليلك صحيحتك برافو

بصحتك زهورة شفتي شحال يجي هايل مع القهوة
إيه زهرة إحنا ثاني في دزاير نديروه باسميد وأنا هنا ندير تاع فرينة وتاع سميد لكن يبانولي كيفكيف ربي يحفظك

جاك اغير انا تاني مانعجنوش انخلط وممبعد انخليه يرتاح ولكن احنا مانعسلوهش

ربي يخليك سهام شوفي حخنونتي راح نحط طريقتي وجربيه والله ساهل ماهل وتقوشي نتاع برا زوجي يموت عليه ومانبخلش علي اختي برك ماقعدتش كنت مريضة مبصح عندي الجديد بزاف ليكم بلعقل برك

اممممممممم يعطيك الصحة يا الفحلة فتيني في الموضوع هههه بصحتك نجربو و نقولك اممممممممم ايشهي ربي يحفضك سوغتو مع كاس حليب واش نقولك

يشهيو سهام الله يخليلك صحيحتك و يحفظك

ماشاء الله يسلموا

ربي يخليك SIHam هدا اخفاف مدلل
ان نعمل غير الفرينة و الملح و الخميرة على عيني و ملعقة سكر و الماء دافي ايجي هايل