كفتة الدجاج بصلصة الطماطم والجبن اممممممم

[ندعوك للتسجيل في المنتدى أو التعريف بنفسك لمعاينة هذه الصورة]

تجي بنينة ماتتشبعش تحطي في الالة الي تقطع اللحم انا استعملت براون صدر دجاج قطع شوية عصير ليمون التوابل الي تحبي شوية هريسة شوية فلفل احمر مقطع شوية مشروم مقطع خبز منقوع في شوية حليب طبعا الملح وشزية زيت زيتون وصفا بيضة والكسبر ومعدنوس وتخلطيهم مليح حتى تولي عجينة تكوريهم كرات وتمرغيهم في الفرينة وتحمريهم في شوية زيت ماش شرط يطيبو من الداخل
ولما تكملي تحطي في نفس الزيت بصل مقطع تقليه ضيفيلو التوابل والكسب والمعدنوس والطماطم مقطعة رقيق وشوية طماكم مصبرة وتخليهم يطيبو على نار هادية ومبعد تضيفي هادوك الكرات تاع الجاج وتخليهم يطيبو حتى تعقد لاصوص مليح ومبعد ضيفي جبن كريمي انا استعملت جبن كيري وجبن شيدر مبشور وتخليهم شوية فوق النار حتى يدوب الجبن ومبعد تنحيهم وتقدميهم وصحة وعافية

ممممممممممممم واش هاد روائع اختي قريب كيما لي نديروها برك مانديرش جبن ان شاء الله نديرها حنونتي ربي يخليك لينا طيابك بنيننن علامة

يعيشك رب يخليك

عجبتني لاناب تاعك تحفة

يعطيك الصحة ام صفية
باين عليها بنينة
شكرا لك على الوصفة

شكرا على التثبيت

بارك الله فيك على الطبق الشهي