بسبوسة الشكولاطة بالفرينة ساهلة وبنينة

نضع في وعاء كاس ونص ما + كاس وشوية شكولاطة مرحية ونحطوها على النار حتى تدوب الشيكولا مليح ونحيو منها كاس صغير باه نسقيو الكيكة كي تطيب
والي بقى نزيدو عليه كاس ماش معمر زيت ونخليوه على جنب
ثم نضربو اصفر 4 بيضات مليح مليح ونزيدولو هاداك السيرو تاع الشيكولا والماء والزيت ثم نضيف كاس وربع دقيق عينك ميزانك وشوية فاني ومغرف كبيرة ماش معمرة خميرة
ونضربو البياض تاع هادوك البيضات ونضيفوه بالتدريج ونحركو من لفوق لتحت ندهنو المول ونحكوها تطيب 180 درجة وكي نخرجهنسقيوها مباشرة بهاداك السيرو الي نحيناه في البداية انا الصراحة زدت عملت شوية سيرو وزدتو جاني هاداك قليل ثم ندوبو شكولاطة مع شوية كريمة او حليب ونغطيو بيها لكيكة وانا زينتها بقوفريط مفتت انت كيما تحبي ثم الى الثلاجة

[ندعوك للتسجيل في المنتدى أو التعريف بنفسك لمعاينة هذه الصورة]

ربي يخليك تهبل راه مازالي ملفاس كذاب تاعك خرجلي روعة كي نبرا ونعدل الخيط لي راه عالشعرة ويطفى ههههه نحط الجديد وتطبيق
هايلة

رب يخليك اختي الغالية رب يشفيك ويتعدل الخيط الي على الشعرة ويطفى ههه

ههههه ضحكتيني

جاتك هايلة

منال مرحبا بيك حنونة الدار دارك ارواحي برك نديرهالك في دقيقة كولي وادي معاك

يعطيك الصحة ام صفية
باينة عليها بنينة
شكرا لك على الوصفة