الباي على طريقتي ومن كوزيتي

السلام عليكم اخواتي انصح كل وحدة بهملها والله ماتشبعي منها وراح يحبوها الاولاد احنا برا تتباع غالية قلت علاش ماندريهاش في داري وبمقادير خبزي المعتمد والله زوجي اذهل فيها عمبالو مشرية ضحكني انتظر تطبيقاتكن وساهلة بزاف تغيير على البيتزا
اخواتي اما عن الحشوة كل واحدة وطريقتها انا درت اللحم وقليتو مع البصل وضفت الطماطم حب والعقاقر وطيبتو مع شوية ماء ومنبعد فتت لحم وكان عندي خليط عاقد وحمر مممممم هادا ماكان
المقادير بالضبط بالاكي تنقصي نقتلك
500 غ فرينة
40 غ سكر ولاحبيتي قل
12 غ خميرة
حبة بيض
60 غ زبدة وساعات نبدل ندير بشوية زيت نتيجة كيفكيف
ملح 200 ملل ماء دافئ
مغرفة كبيرة عسل
واش خص تاني نضن والو اااااه السانوج والا تحبي زبيب
نخلط بو مخلط و
حتى نتحصلو على عجينة طرية ديها وجيبيها دقيقة برك نخلوها تخمر قد ماعندك وقت خليها انا 4 سوايع
ومنبعد ندهن يدي ونحط يدي فالوسط ونلم عجينتي ومنبعد نشكلها بالطول ونلم الجوانب والله نسيت نصور هاد الخطوة سامحوني ونحط الخليط نتاعي ونسكر ونخلي شوية الوسط مفتوح ونخليها شي 20 د برك ونكسر بيض منفوق ونحط
فرماج والى الفرن



[ندعوك للتسجيل في المنتدى أو التعريف بنفسك لمعاينة هذه الصورة]

صورة للتعديب هههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

[size=18]إمممم باينة تشهي يستحق التجريب

ان شاء الله

يعطيك الصحة تشهى
عذبتينى مع صباح ربى
ههههههههههههههههههههه
شكرااااااااااااااااااا لك

اسمحيلي ام البنات رايحة نبكي والله غضتيني

حنونة مافلتيش على الحشوة كيفاه اتحطيها في الوسط

امنية راني كتبت تحلي العجينة طوليا ومنبعد تحطي الحشة بحيث تخلي الجوانب لانو رايحة تلميها وتشدي الاطراف كيما الباي اي الجوانب وبداي تقرصي تسكري فيها وخلي غير الوسط باش تكسري البيض

يعطيك الصحة نجاة حبيبتي
يسلموا ايديك

يعطيك الصحة ام بثينة
واش نقولك المرة الجاية صوري خطوة بخطوة حتى نفهم اكثر
وتاني العسل كيفاش ديريه ذكرتيه فالمقادير
واسمحيلي طولت عليك بالاسئلة

ام ارال كتب:

يعطيك الصحة ام بثينة
واش نقولك المرة الجاية صوري خطوة بخطوة حتى نفهم اكثر
وتاني العسل كيفاش ديريه ذكرتيه فالمقادير
واسمحيلي طولت عليك بالاسئلة

الله يسلمك حنونة
باذن الله الا عاودتها نصور لان نسيت الخطوة مهمة ليكم اختي العسل ديريه فلابات يعني مع الفرينة والبيض لالا حنونة واش حبيتي راني هنا

barak allah fik

وفيكي بركة بلا مزية

يمممممممممممممممممممممم عليك يا ام بثينة والله غيل سخفت عليها مع اللي راني جيعانة
يمممممممممم راهي تهبل يعطيك الصحة

يا ام بثينة راك كيما منال العالم و السيدة ابو حامد و شوميشة و ليتو كامل الطباخات الي ما نستغناش على وصفاتهم لازم ندير طلة و نشوف واش الجديد و بلا ما ننسا اختنا الحنونةmanal8
شكرا على المجهودات ران عارف با ش تكتبو موضوع و تنزلو الصر امر يتعب لانه انا عندي مجموعة من الصور لحلويات و طبخات كنت درتهم من قبا لكن العجز تع تحميل الصور ما خلانيش نبينهم انشاء الله نغير منكم و ندير كيفكم و نفيدكم كيما راكم تفيدو فينا .

مممممممممم شهتيني وانا نتوحم دبري راسك نحب قسمتي ولا نبكي ههههه
والله ماني قادرة نطيب في لوحم نكره طيابي غير تفوت عليا هاد لمرحلة نجربو
ماشاء الله عجبني بزاف الله يعطيك الصحة

سر-العيون كتب:

يا ام بثينة راك كيما منال العالم و السيدة ابو حامد و شوميشة و ليتو كامل الطباخات الي ما نستغناش على وصفاتهم لازم ندير طلة و نشوف واش الجديد و بلا ما ننسا اختنا الحنونةmanal8
شكرا على المجهودات ران عارف با ش تكتبو موضوع و تنزلو الصر امر يتعب لانه انا عندي مجموعة من الصور لحلويات و طبخات كنت درتهم من قبا لكن العجز تع تحميل الصور ما خلانيش نبينهم انشاء الله نغير منكم و ندير كيفكم و نفيدكم كيما راكم تفيدو فينا .

ياحبيبتي نورتين والله والله شئ كبير عليا انا كي شوميشة ولخرين لا والله يااختي اواحد يتعب ولكن والله شئ لي نعملو في بيتي نفيد بيه غيري ماعندنا ماندو غير فعل الخير وبرك دعوات لي يفيدونا حنونتي فرحتيني بكلامك وشجعتيني ربي يحفظك ونتمنى نشوف وصفاتك باقرب وقت ربي يعيشك بليز

siham كتب:

أهلا سر العيون بك ما قلتيه صحيح بأم بثينة هي فنانة المنتدى
وطباخته الماهرة نتمنى لها المزيد من التألق
ونحن ندين لها كثيرا لأنها هي من أنشأت المنتدى
أم أنت فأقضي على العجز لأنك لو وضعت الصور مرة
ستكوني متشوقة لوضع المزيد
ديري كيما إحنا تولي ما تستغنايش على المنتدى

ياحبيبة قلبي سهام احمد الله لي انشات المنتدى وعرفني بناس مثلك والله غير كلامك دمعني والله احتسب لله وعملت المنتدى لاننا مغتربات وقلت اخواتي يلقاو بيتهم الثاني وكل المغتربات بنات بلادي مغربيات كل العربيات مرحبا بيهم والله البيت بيتكم ولو امرتوني نعطيهولكم نعطيهولكم ولن اقصر ربي يخليكم عطيتوني اسم اكبر مني والله نتي فنانة وماشاء الله ناكلو اطباقك قبل ربي يحفظك

ام صفية1 كتب:

مممممممممم شهتيني وانا نتوحم دبري راسك نحب قسمتي ولا نبكي ههههه
والله ماني قادرة نطيب في لوحم نكره طيابي غير تفوت عليا هاد لمرحلة نجربو
ماشاء الله عجبني بزاف الله يعطيك الصحة

يالعزيزة اسمحيلي لوحم واعر حنونتي علابالي والله نفديك لوكان جيتي قدامي واش نطيب والله نبعث لختي تمنيت وحدة قدامي بنت بلادي نذوقها وتذوقني الله غالب نذوقكم هنا هههه ربي يسهلك حملك يارب

حبيبتي زهرة درك دخلت اسمحيلي حنونتي طبعا نديرو نتاع الخبز باش العجينة تخمر وديري 12 غ
والحشوة والله من راسي طيبت شوية لحم كي طاب فتتتو ودرت فرماج والله خلطت ونسيت بالتفصيل لاني كنت مزروبة ديري واش تحبي حنونتي تطلعلك روعة لانو منبعد تكسري البيض تجيك روعة وتقدري ديري حشوة بالتونة بالجاج ولا ديري مرقاز اقليه وحطيه وكسري البيض واش نقولك

صباخ الخير حنونة ام بثينة و انس اليوم غير كملت القديان و بغيت نبدا نطيب درت طلة على ركن المعجنات و اخترت وصفتك ديال لباي هادي باين عليها تشهي و نزيد معاه شوربة فارميسال و سلطة مشكلة غادي نصورهم و نحط الصورانشاء الله .