لي تحب تتعلم الطياب تدخل تسجل روحها في كوزينتنا

السلام عليكم حبيباتي واخواتي في الله
جاني موضوع قلت علاش مانفيدش اخواتي اكثر برك دعواتكم كل واحدة تطلب طياب لي تحبو ومش عارفا تديرو باذن الله مانبخلوش عليك وبمساعدة اخواتي لي يحبو طبعا كسهام وزهرة وغيرهم غير لي ماعرفناش
اذا اختي لاتترددي بالتسجيل وباذن الله تلقي مايسرك ويفيدك وان شاء الله بالصور الا حب ربي ومع راني ندرس لاابخل عليكم بقدر الاستطاعة يالله اطلبي الطيفية لي متع رفيهاش وحنا نفيدوك من كوزينة ام بثينة وباقي [ندعوك للتسجيل في المنتدى أو التعريف بنفسك لمعاينة هذه الصورة]
واشرايكم

فكرة مليحة ربي يسهل راني هنا وأي طلب على راسي من الفوق

فكرة هاياة كي مولاتها .واي طلبات باذن الله

راني هنا [ندعوك للتسجيل في المنتدى أو التعريف بنفسك لمعاينة هذه الصورة]لاابخل عليكم باذن الله برك دعواتكم [ندعوك للتسجيل في المنتدى أو التعريف بنفسك لمعاينة هذه الصورة]

يالله حبيبتي richviewورينا طبخاتك الهايلين ربي يحفظك
خواتاتي ربي يخليكم اطلبو ورانا هنا

فكرة هايلة ومليحة للاستفادة والله انا تاني راني هنا ولي تحب شيء نكون نعرفو منبخلوش عليها

والله حتى انا نقدر نعاون بالشي الي نعرف
ونسقسي على لي ما نعرفش
خلاص اني مسجلة معاكم

ربي اخليلك [ندعوك للتسجيل في المنتدى أو التعريف بنفسك لمعاينة هذه الصورة] يحفظك ام بثينة [ندعوك للتسجيل في المنتدى أو التعريف بنفسك لمعاينة هذه الصورة]

اللهم امين حنونتي وربي يخليك

توحشناك زهورتنا

راني معاكم نسجل روحي معاكم نفيد و نستفيد
و أبدأ شون فيكم ألي تقولي كيفاش نديروا الدوبرة و شكرا

ياهلا باخلاص
اختي انتي منين انا ناس داري يديروها وتعلمتها يما وانا نديرها هايلة
جيبي حمص تغليها وماتكثريش ماء بزاف كي طيب زبدة شوية وعلاش قتلك ما\يري شماء بزاف باش كي طيب تبقى فيها شوية ماء عاقد هاداك خليه وجيبي طومطيش قطعيها رقيقة بزاف ولا رحيها وحطيها وديري زيت زيتون والدبشة حشيش مقطفة شوية والحاء تاني مقطع رقيق وعقار حار الا عندك وخليها شوية على الناء وديري شوية طماطم الباطا وخلاصص كي تحطيها حطي فوقها زيت زيتون والدبشة والكمون
نتمنى افدتك وتجي حارة

و أنا إن شاء الله نسجل معاكم

مرحبا ام زاكو

يعطيكم صحة يالبنات
قايمين بالواجب

شكراااا لكن

ikhlasse كتب:

راني معاكم نسجل روحي معاكم نفيد و نستفيد
و أبدأ شون فيكم ألي تقولي كيفاش نديروا الدوبرة و شكرا

اختي والله اختي ام بثينة وانس وفات وكفات
انا عندي في طريقتي بعض الاضافات ونديرها على الطريقة البسكرية
نحط عادي بصل يتقلى ونكثر الثوم والتوابل ( فلفل اسود + زنجبيل + بابريكا + فلفل احمر بودرة حار جدا+ كسبر + الكثير من الكمون هو سر الدوبارة+كركم) ولما تتقلى لبصل نضيف حبة طماطم مرحية + حمص مرنخ + فول يابس مرنخ + طماطم مصبرة وعصير نصف حبة ليمون والدبشة والكرافس والمعدنوس ونغلق على الكوكوط ونخليه يطيب مليح مليح حتى يخثار ونخلط في وعاء هريسة + زيت زيتون ونضيفهم للطبق الصراحة يجي حار وبنين

ممممممممممممممم ياميمونة طريقتك تشهي ان شاء الله نجربها مواح

سلام عليكم شكون تعطيني المقادير تع الفطير بالتدقيق ماولاش اجيني شباب ولا اجيني يابس نخبطو مع الحيط ايولي ليا ههههههههههه

منال راني حاطاتو في الخبز شوفيه والله يجي قاطو يتقرمش بنييييييييييييين

أختي منال أنا نخلط السميد و الفرينة كيما م بثينة وأعجني مليح

ام بثينة وانس كتب:

منال راني حاطاتو في الخبز شوفيه والله يجي قاطو يتقرمش بنييييييييييييين

شكرا ربي يحفضك نحيتي عليا الغبينا نموت عليه الله يعطيك ماتتمناي

oumzac كتب:

أختي منال أنا نخلط السميد و الفرينة كيما م بثينة وأعجني مليح

شكرا لك حبيبتي ربي يحفضك

اهلا حباباتي وانا تاني نسجل مع المجموعة وان كنت نعرف الوصفة المطلوبة راح نفيدكم بيها
باذن الله
يعطيك الصحة اختي نجاة على الفكرة الحلوة,,,, على مساعدة الغير والعضوات وافادتهم بالمعلومات اللي تفيدهم والنصائح الكافية في عمل الوصفات المتنوعة من الاطباق بارك الله فيك واحنا معاك